15 Meghres 1962

Deg yiwen wexxam deg Buzerriâa
Yiwet tmet’t’ut la s teqqar i wergaz is :

Ttxilek ur teffegh ur agh-ttadjja
Smed xer’sum assa deg wexxam
Ugadegh ma tefka-k tebburt akinna
Laman wi s-d-icfan segmi t-nghan.

Azniq ighreq dexxan lbar’ud
Wehmegh amek ur tesfuh’ed’ ara
Tsewh’ac tmurt la ttenfufud
Ula d amcic ur illi ber’r’a.

A tteqqimed’ assa ketc d warraw-ik
Ad d-neg seksu a s-nernu ikkil
Ad agh-d-teh’kud’ ghef tezyiwin-ik
Ur teffegh ara a mmis igellil.

Xas akken icab meqqwer d acaraf
Izwi icudad’-is ur as-yugh awal
Izwi-yas afus mi tewwet a t-id-tett’ef
Deg Buzerriâa it’ij d amellal.

Urâad iness’ef wass ighli tinnegnit
Deg xemsa yidsen i ten-ssasemd’en
Ferâun immut ay at ddunit
Ugadegh tatut ghef widak iddren.

Aâmer n wakli,
12 Yunyu 1977.

Extrait de :
"Tafunast igujilen", isefra, GEB, Publication de l’Université Paris VIII, Décembre 1978.