Irban - Espace enfants

AFAYLU
Afaylu, afaylu !
Afaylu-nu ;
Diges tirra,
Diges unugh.
Afaylu, afaylu !
Afaylu-nu ;
Illa g itwil,
Illa g uselkim !
Afaylu, afaylu !
Afaylu-nu.
Tizi-n-Imnayen, arim 27/10/2003

AGD’ID’-INU AMEZZ’AN
Agd’id’-inu amezz’an
Ira ad yafru !
Awin awin ira a
Awin awin ira a
Awi awin ira ad yafru.

ACICAW
Acicaw, acicaw !
Acicaw amezz’an,
Idda s igran,
Ar ittneqqwab irden
S ughenbu-nnes icwan.

USSAN-INU
ARIM, ARAM,
AHAD, AMHAD,
SEM, SED, ACUR.
Amawal :
Arim : Lundi
Aram : Mardi
Ahad : Mercredi
Amhad : Jeudi
Sem : Vendredi
Sed : Samedi
Acur : Dimanche

TUZLIN MSEDNIN
Awey-agh-d tuzlin !
A-nebbey tifriwin
Zund tifelwin.
A-nessker tizebgin,
Tiwinas, tisighin :
Ad lsent terbatin.
Ad nessker tisitin
Nettagel i tallin.
Awey-agh-d tuzlin !
Ghas timezz’anin,
Nesghal i td’udin :
Tinna d-msednin.
Âumar Derwic
Tizi-n-Imnayen,
acur 3 fur’ar’ 2954 / 15- 02- 2004

DRUSEN WILLI YUKZEN
Yuli-d yitri
Iffer yid’elli,
Abrid net’far
Yufa-t ud’ar.
Tillas id’ran
Tcant ussan,
Tifawt-nnegh
Dghi testegh.
A kra iggwden
Amalu-nnsen !
Kersat tasa
Tnem twada !
Tesdid tussna
N willi d nella,
Ifley bett’u,
Ugin ad t-negnu.
Âumar Derwic
Igwelmimen, 2 yunyu 2944

ANECT IBEDD’ UMEKSA...
Anect ibedd’ umeksa ayd ir’ ad yazzel,
Anect ibedd’ umeksa ayd ir’ ad yazzel.
Nezrey tiwili,
Tekk-agh tiniri,
Nekwni nemlelli,
Ur nri negh nugi
Tawuri negh ighimi.
Anect ibedd’ umeksa ayd ir’ ad yazzel,
Anect ibedd’ umeksa ayd ir’ad yazzel.
Nettu mani d-nekka,
Nghal is nfukka,
Nekkes, digh, tiduka,
Nesghel, a yu, tirika,
Ad agh-ini usekka.
Anect ibedd’ umeksa ayd ir’ ad yazzel,
Anect ibedd’ umeksa ayd ir’ ad yazzel.
Tga azgen (…)

T I W I Z I
Afus afus ay atmaten !
Afus afus, iwes yiwen !
Ghef ubrid n Yugerten.
Afus afus ay isettma !
Afus afus neg tawada !
Ghef ubrid n Dihya.
Afus afus ay anelmad !
Afus afus ad nemsebdad !
Ghef ubrid n Zayd u H’mad.
Afus afus neg tiwizi !
Afus afus neg tawuri !
Nekk agharas n Mâemmri.
Âumar Derwic
Igwelmimen, 11 ghuct 2945

Tat’fi n uzemmur
Azemmur-nnegh inwa,
Da d-iseflilliy g isekwla ;
Kigan aya t-nghufa
Ad agh-yili d masetca.
A tat’fi n uzemmur !
Asag t-nez’mi netkur
Tazzirt n-walud’ aqbur.
Agummu win tegrest
Ur irwis tifirest,
Yusey ungal n tallest
Id’uf agensu tabghest.
A tat’fi n uzemmur !
Asag t-nez’mi netkur
Tazzirt n-walud’ aqbur.
Yagh-i-d us’emmid’ g igran
Ar i-ttiqiqen ifassen,
Uligh ggzegh izemran
Tikkelt-a z’ermegh kigan.
A tat’fi n uzemmur !
Asag t-nez’mi netkur (…)