Tat’fi n uzemmur

Tat’fi n uzemmur

Azemmur-nnegh inwa,
Da d-iseflilliy g isekwla ;
Kigan aya t-nghufa
Ad agh-yili d masetca.

A tat’fi n uzemmur !
Asag t-nez’mi netkur
Tazzirt n-walud’ aqbur.

Agummu win tegrest
Ur irwis tifirest,
Yusey ungal n tallest
Id’uf agensu tabghest.

A tat’fi n uzemmur !
Asag t-nez’mi netkur
Tazzirt n-walud’ aqbur.

Yagh-i-d us’emmid’ g igran
Ar i-ttiqiqen ifassen,
Uligh ggzegh izemran
Tikkelt-a z’ermegh kigan.

A tat’fi n uzemmur !
Asag t-nez’mi netkur
Tazzirt n-walud’ aqbur.

Âumar Derwic

Tizi-n-Imnayen g 13 fur’ar’ 2951